Prezident seçkilərini müxalifət partiyasının nümayəndələri
qiymətləndirirlər.
"Avropalı Gürcüstan"ın nümayəndəsi Əhməd İmamquliyevin
sözlərinə görə, seçkilər həmişə olduğu kimi indi də
saxtalaşdırılıb. "Siyasi addımlar "Gürcü Arzusu" tərəfindən məhz
2014, 2016, 2017-ci illərdə olduğu kimi davam etdirilir. Seçkiləri
erməni karuselləri ilə saxtalaşdırdılar. Əhaliyə pul ödəyiblər,
belə deyək alıblar" - deyir Əhməd İmamquliyev.
Seçkiləri "Güc Birlikdədir"in Marneuli qərargahının rəhbəri Aqil
Mustafayev vicdansızlıq olaraq qiymətləndirir.
"Seçkilər təsirlə, şantajla, gedirdi. Bütün
məntəqələrdə bizim nümayəndələrə qarşı təsir göstəriblər.
Hakimiyyət nümayəndələri, bələdiyyə məclisinin üzvləri birbaşa
məntəqələrə daxil olurdular və bizim komissiya üzvlərimizi şantaj
edirdilər. İki məntəqənin nəticələri bizdə var və biz qalib
gəlmişik. Biz bütün Gürcüstanda qalib gələcəyik" -
deyir Aqil Mustafayev