Zurabişvili Əliyevə: İşğalı birgə yaşayırıq
Bakıda Gürcüstan
və Azərbaycan prezidentlərinin təkbətək və geniş formatda keçirilən
görüşü zamanı tərəflər Gürcüstan və Azərbaycan arasında strateji
əməkdaşlığın əsas prioritetlər və hərtərəfli əlaqələr istiqamətində
beynəlxalq formatlarda dəstək məsələlərini müzakirə
ediblər.
Salome Zurabişvili Gürcüstan və Azərbaycanın
tarixi keçmişindən danışıb:
“Bizim ölkələrin dostluğunun böyük tarixi var, çox
sayda ənənələr bizi bağlayır. Biz müasir həyata birgə
başlamışıq.
100 il əvvəl müstəqilliyimizi bərpa etdik, bir zaman kiçik
federasiyamız da var idi və biz birgə müstəqilliyi itirməyin və
keçən ağır illərin nə demək olduğunu yaşadıq. Onun təzyiqi bu gün
də bizim dövlətlərin inşasında hiss olunur.
Biz birgə müstəqilliyimizi qaytardıq və bu son illərdə eyni
faciələri yaşadıq və bu gündə ölkə üçün işğal edilmiş ərazilərin,
sənin ölkənin ərazi bütövlüyünün hələ də bərpa olunmamasının nə
demək olduğunu yaşayırıq. İşğal xəttləri bizim üçün bu gün də açıq
yaradır ki, bir tərəfdən bizim inkişafımıza mane olur,amma eyni
zamanda bu faciələrə baxmayaraq biz yenə də öz dövlətlərimizi
gücləndirə və iqtisadiyyatımızı inkişaf etdirə bildik ki, yolumuza
müstəqil ölkə olaraq davam edək. Bu kiçik uğur və qələbə
deyil” – Gürcüstan prezident administrasiyasının
Zurabişvilinin Bakı səfəri zamanı yayımladığı məlumatda
deyilir.
Azərbaycan və Ermənistan arasında Dağlıq Qarabağ konflikti 1988-ci
ildə başlayıb. Azərbaycan hesab edir ki, Dağlıq Qarabağ və ətraf
yeddi rayon Azərbaycanın 20%-i Ermənistanın silahlı qüvvələrinin
işğalı altındadır.
Ermənistan isə bunu qəti olaraq inkar edir. 1994-cü ildə tərəflər
atəşi dayandırmaq rejimi ilə bağlı imza atıblar, amma bu gün də
beynəlxalq təşkilatların eqidi ilə iki ölkə arasında aparılan
danışıqlar uğursuz hesab edilir. Hər iki tərəf daim atəşi
dayandrıma rejimi haqqında pozuntuda bir-birini günahlandırır.