Kutaisi hava limanına Kopitnariyə və oradan qayıdan qatarların biletləri 7 gün ərzində pulsuz olacaq. Bu barədə Gürcüstan Dəmir Yolu məlumat yayıb.

“Kutaisi hava limanına gələn və ya Kutaisi hava limanından müxtəlif istiqamətlərə yola düşən hər bir vətəndaş Gürcüstan Dəmir Yolundan pulsuz qatar biletləri əldə edəcək.

Aprelin 30-dan etibarən 7 gün ərzində Kutaisi hava limanına bileti dəmir yolu kassalarından təqdim edəcək bütün sərnişinlər Tbilisi, Zuqdidi, Batumi, Poti və Ozurqetidən Kopitnariyə və Kopitnaridən Tbilisi, Batumi, Zuqdidi, Poti və Ozurqetiyə pulsuz səyahət edəcəklər.

Hökumətin xüsusi qərarına əsasən, Gürcüstan Hava Limanları İttifaqı sərnişinlərin təmir edilmiş stansiyadan Kutaisi hava limanına və hava limanından stansiyaya köçürülməsini təmin edir.

“Xatırlatmaq istərdik ki, bütün sərnişin qatarları “Kutaisi Hava Limanı” adlanan stansiyada dayanacaq”, - məlumatda deyilir.

Məlumat üçün bildirək ki, aprelin 30-dan Kopitnaridə Kutaisi hava limanı ilə birləşdirən təmir edilmiş dəmir yolu stansiyası Gürcüstanın müxtəlif şəhərlərindən sərnişinləri qəbul edəcək. Kutaisi hava limanı xüsusi ayrılmış nəqliyyat vasitəsi ilə hava limanına gediş-gəlişi təmin edir. Dəmiryolunun yaydığı məlumata görə, sərnişinlərə Kopitnari stansiyasından Kutaisi hava limanına çatmaq üçün təxminən 5 dəqiqə vaxt lazım olacaq. Bundan əlavə, qatar biletinin qiymətinə Kutaisi hava limanına gediş daxildir.