Qərbi Avropada meşə yanğınları səbəbindən minlərlə insan təxliyə
edilib.
Fransa, İspaniya və Portuqaliyanın müxtəlif bölgələrində
yanğınsöndürənlər fəlakətlə mübarizə aparır.
Fransanın cənub-qərbində, güclü küləyin şam meşəsi yanğınlarının
söndürülməsinə mane olduğu Jironde bölgəsində 12 mindən çox insan
təxliyə edilib. Bordodan cənubda da yanğın var.
İspaniyada qeyri-adi yüksək temperaturun yaratdığı fəlakətlə
yanğınsöndürənlər də mübarizə aparır. Ölkənin bəzi bölgələrində
havanın temperaturu 45,7 dərəcəyə çatıb. Ölkənin cənubundakı Kosta
del Sol yaxınlığında baş verən güclü yanğın səbəbindən 3000-dən çox
insan evlərindən təxliyə edilib.
Yüzlərlə insanın təxliyyə edilməli olduğu Portuqaliyada da
yanğınlarla mübarizə aparılır. Ölkənin Səhiyyə Nazirliyinin
məlumatına görə, iyulun 7-dən 13-dək Portuqaliyada istidən 238
nəfər ölüb.
Sinoptiklərin proqnozlarına görə, rekord yüksək temperaturun bu
həftə də davam edəcəyi gözlənilir.