Hazırda Ermənistanın gündəmində NATO-ya daxil olmaq məsələsi yoxdur
– Ermənistanın xarici işlər naziri Ararat Mirzoyan
bu barədə Argentinanın “Todos Noticias” televiziyasına
müsahibəsində bildirib.
“Biz artıq NATO ilə əməkdaşlıq edirik, sülhməramlı
əməliyyatlarda iştirak edirik. Biz Əfqanıstanda idik, indilərdə
Kosovodakı sülhməramlılarımızın sayını artırdıq. Bizim əməkdaşlıq
formatımız var. Əgər söhbət NATO-ya üzv olmaq istəyi və ya
namizədlikdən gedirsə, xeyr, bu məsələ hazırda Ermənistanın
gündəmində deyil” – Mirzoyan bildirib.
Bundan əlavə, Ermənistan Respublikasının xarici işlər naziri Avropa
İttifaqı ilə əməkdaşlıqdan danışarkən Ermənistan vətəndaşlarının,
erməni xalqının Avropa istəklərinin olduğunu bildirib.