Qardabani rayonunun Qaratəhlə kəndində silahlı insident baş verib.
Məlumata görə, naməlum şəxslər avtomobilində olan gəncə atəş açaraq
hadisə yerindən qaçıblar.
Nəticədə o, xəsarət alıb. Yaralı Rustavi şəhərinin mərkəzi
xəstəxanasına çatdırılaraq təcili əməliyyat olunub. Onun vəziyyəti
kritik ağır qiymətləndirilir.
Hadisənin motivi məlum deyil.
Qaratəhlə
kəndinə ekspert-kriminalistlər cəlb olunub.
Daxili İşlər Nazirliyindən verilən məlumata görə, faktla bağlı
Gürcüstan Cinayət Məcəlləsinin 19-108-ci maddəsi ilə araşdırma
aparılır. Həmin maddə qəsdən adam öldürməni nəzərdə tutur.