Այսօր՝ մարտի 5-ին, սակրեբուլոյի նիստում պատգամավորները
կողմ են արտահայտվել նոր ՝ մարդկային ռեսուրսների կառավարման
վարչության ստեղծմանը։ «Ռադիո Մառնեուլի»-ի հետ զրույցում Մառնեուլիի
քաղաքային խորհրդի գրասենյակի ղեկավար Նինո Բերիձեն ասաց, որ անձնական
տվյալների պաշտպանության օրենքում փոփոխությունները և մարդկային
ռեսուրսների ուղղությամբ մեկնարկած նոր ծրագրերը պատճառ են դարձել նոր
վարչության ձևավորմանը։
«
Ելնելով առկա աշխատանքի ծավալից՝ կարևոր փոփոխություն է
կատարվել անձնական տվյալների պաշտպանության օրենքում, և հանրային
ծառայություններին վերագրվել են մի շարք պարտավորություններ, ինչպես
նաև նոր ուղղություններ են սկսվել մարդկային ռեսուրսների կառավարման
ուղղությամբ, և այս ուղղությունը վերջին տարիներին մեծ
նշանակություն ունի։ Գիտե՞ք, որ աշխատողը ամեն տարի գնահատվում է, և
դա արդեն արվում է էլեկտրոնային համակարգով, որն այժմ փորձնական է
իրականացվում քաղաքապետարաններում, և Մառնեուլիի քաղաքապետարանն արդեն
ներգրավված է այս ծրագրում։ Նաև կան կարևոր ուղղություններ, որոնք
էական են։ Սա ներառում է պլաններ, կարիքներ, կադրային խնդիրներ,
կադրային հարցերն ինքնին արդեն էլեկտրոնային տարբերակով են, և այս
ուղղությամբ նույնպես նոր փուլ ենք անցնում։ Դուք գիտեք, որ
քաղաքապետարանի միայն մեկ աշխատակից է սպասարկել այս ուղղությունը, եւ
հետեւաբար բաժին ստեղծելու կարիք կար»։ - ասել է Նինո
Բերիձեն
Մառնեուլիի սակրեբուլոյի գրասենյակի ղեկավարի խոսքով, նոր
վարչությունում աշխատանքի կընդունվի ընդհանուր առմամբ երեք մարդ՝
վարչության մեկ ղեկավար և երկու աշխատակից։ Բերիձեի խոսքով,
օրենսդրության համաձայն՝ պաշտոնը զբաղեցնելու համար կհայտարարվի բաց
մրցույթ եւ մրցույթի համաձայն կընտրվեն նոր աշխատակիցներ։
Այսօր՝ մարտի 5-ին, Մառնեուլիի քաղաքապետարանի խորհրդի նիստում
քննարկման է դրվել 8 հարց։ Քաղաքային խորհրդի անդամները դրական
որոշում են կայացրել բոլոր հարցերի վերաբերյալ։
"Ռադիո Մառնեուլի"
Թարգմ․ ՝ Մարգարիտա Միսկարյան