“Avropalı Gürcüstan” partiyasının Marneuli
Bələdiyyə Məclisinin üzvü Əhməd İmamquliyev Bələdiyyə Məclisinin
iclasında Dövlət Audit Xidmətinin yayımladığı Marneuli meriyasının
qayda pozuntularını müzakirə etməyi planlaşdırır.
“Biz 2020-ci ilin büdcəsini müzakirə etmək üçün
hazırlaşırıq. İclasda mer və Bələdiyyə Məclisi nümayəndələri də
olacaq. Həmin gün Bələdiyyə Məclisinin sədrindən və üzvlərdən
birbaşa soruşmalıyıq ki, niyə susurmuşlar. Bildiyiniz kimi meriya
bizə məlumat vermir, yazanda natamam cavab verirlər və həmişə
deyirlə ki, buna hansısa veb-səhifədən və saytlardan baxa bilərik.
Mən həmin məktubları saxlamışam. Məhz həmin gün “Gürcü Arzusu”nun
nümayəndələrindən, ilk növbədə Bələdiyyə Məclisinin sədrindən
bunların hamısını soruşmağı planlaşdırırıq”, – Əhməd
İmamquliyev deyir və qeyd edir ki, Audit Xidməti tərəfindən
yayımlanan hesabat üumiyyətlə təəccüblüdür, amma o, bir neçə
məsələni xüsusi qeyd edəcək - yanacaq, “Avtopark” MMC-nin mövzusu
və restoran xidmətlərinə xərclənmiş məbləğlər.
“Bunların hamısı bizim cibimizdən gedir. Bundan dolayı,
konkret məsələləri qeyd etmək çətindir, amma Auditin hesabatında
əks olunan qayda pozuntuları ciddidir. Marneuli bələdiyyəsinin bir
tetrisi belə Marneuli əhalisini aiddir”, – Əhməd
İmamquliyev deyir və anons edir ki, Bələdiyyə Məclisi isclasında
büdcə ilə əlaqədar bir təklifi var, ancaq təfərrüatları hələ qeyd
etmir.
Dövlət Audit Xidməti tərəfindən yayımalan Marneuli bələdiyyəsinin
2017-2018-ci illərin büdcəsi ilə nəzərə alınmış proqramlarının
hesabatı ilə əlaqədar prokurorluq cinayət məcəlləsinin 332-ci
maddəsinin 2-ci hissəsi ilə istintaq aparır. Həmin maddə
səlahiyyətindən sui istifadə etməni nəzərdə tutur. Hesabata əsasən
Marneuli meriyası 2017-2018-ci illərdə bələdiyyə büdcəsini səmərəli
şəkildə sərf etməyib.
"Marneuli" Radiosu