21 noyabr tarixində Marneulidə “Şotaoba” qeyd olunacaq. Şota
Rustavelinin abidəsi əklil və çiçəklərlə bəzədiləcək.
Yerli özünüidarə 200 lari dəyərində çiçəkləri sadələşdirilmiş
qaydada fərdi sahibkar Şorena Svianidze-Maçavarianidən artıq alıb.
Meriya bir ədəd əklilə 140 lari, 10 ədəd qızılgülə isə 60 lari
ödəyib.
Yerli özünüidarədən “Marneuli” radiosuna bildirdilər ki, “Şotaoba”
kiçik tədbirlə, Marneuli İctimai Kitabxanasında qeyd olunacaq.
Tədbirdə müxtəlif məktəblərin şagirdləri “Pələng dərisi geymiş
pəhləvandan” hissələr oxuyacaqlar.
Marneuli Bələdiyyə Məclisi “Şotaoba” bayramının təsis edilməsini
2021-ci ilin 6 avqustunda dəstəkləyib. Bayramın təsis edilməsi
təşəbbüsünü meriyanın Təhsil, Mədəniyyət, İdman və Gənclərlə İş
Şöbəsinin rəhbəri Elquca Kupatadze Bələdiyyə Məclisinin iclasında
müzakirəyə çıxarıb. O, qeyd edib ki, xalq bayramı “Şotaoba”
bələdiyyədə hər il 20 noyabrda qeyd olunmalıdır.
Qeyd edək ki, Marneulidə Şota Rustavelinin abidəsi rəsmi olaraq
2021-ci ilin 24 noyabrında açılıb. Abidənin alınması və ucaldılması
bələdiyyəyə 112 520 lariyə başa gəlib.