Qeyri-hökumət və media təşkilat nümayəndələri Gürcüstan Parlamenti
qarşısında Xarici təsir agenti” qanun layihəsinə etiraz edirlər.
“Salam” paltformasının üzvü Benyamin Qasımov bildirir ki, qanun
qəbul olunarsa Gürcüstanın hər bir vətəndaşı üçün problem yaranacaq
və onların hüquqları məhdudlaşdırılacaq.
“Biz buna etiraz edirik. Bu bizim ölkənin gələcəyinə,
hər bir vətəndaşın firavanlığına aiddir. Parlament bu qanunu qəbul
etməməlidir. Bilirik ki, Parlament deputatlarının əksəriyyəti QHT
sektorundan gəlib və düşünürül, bu geriyə atılmış addım, rus
qanununun analoqudur”, - Benyamin bildirir.
Media və QHT nümayəndələrini Parlamentdə Komitə müzakirəsinə
buraxmırlar.
“Gürcü Arzusundan” ayrılmış deputatların “Xalqın gücü” qrupu
Gürcüstan Parlamentinə “Xarici təsir agentləri” haqqında qanun
layihəsi təqdim edib. Qanun layihəyə əsasən, gəlirinin 20%-dən
artığı xarici təşkilatlardan olan bütün media və qeyri-hökumət
təşkilatları “xarici təsir agenti” hesab olunacaqlar. Rusiya bu
qanunu 2012-ci ildə qəbul etmişdi və bundan sonra faktiki olaraq
azad media, vətəndaş sektoru bağlanmışdı.