Marneuli şəhərində dörd küçədə küçə işıqları quraşdırılacaq.
Marneuli meriyası işıqların quraşdırılması işləri üçün lazımı smeta
sənədlərinin tərtib edilməsi ilə bağlı 5932 lari dəyərində tender
elan edib.
Sənədlərə görə, küçə işıqları quraşdırılacaq:
- D.Ağmaşenebeli-Yağlıca küçəsi
- R.Lağidze küçəsi
- 26 may küçəsi
- Marneuli şəhərində eko-miqrantların məskunlaşdığı
məntəqə
Tenderdə iştirak etmək istəyən şirkətlər 8-10 mart tarixlərində öz
təkliflərini təqdim edə bilərlər. Qalib şirkət müqavilə
bağlandıqdan 30 gün ərzində smeta sənədlərini Marneuli meriyasına
təqdim etməlidir.