Marneulinin 8 küçəsində kanalların bərpası üçün elan edilmiş tender
üçüncü cəhddə də baş tutmayıb.
Tenderdə heç bir şirkət iştirak etməyib.
Marneuli meriyası bələdiyyə ərazisində olan suvarma kanallarının
bərpası üçün əvvəlcə 387 655 lari xərcləməyi planlaşdırırdı, ancaq
yeni tenderdə vəsait 84 886 lari artırılıb və bu mərhələdə tender
vəsaiti 472 541 lari təşkil edir.
Tsereteli kəndində (məktəb ərazisində), Marneuli şəhəri
Ağmaşenebeli, Vaja-Pşavela, Lermontov, Yağlıca, Tbilisi, Lağidze və
20 yanvar küçələrində kanalların bərpası nəzərdə tutulub.
Marneuli yerli özünüidarəsi suvarma kanallarının bərpası üçün ilk
tenderi 26 oktyabr tarixində elan edib. Tenderdə heç bir şirkət
iştirak etməyib və buna görə də tender baş tutmayıb. Marneuli
meriyası ikindi tenderi, eyni vəsaitlə 5 dekabr tarixində elan
edib, üçüncü tender isə 15 fevral tarixində elan olunub.
Yeni tenderin elan ediləcəyi tarix hələ ki, məlum deyil.