"Həkim Vaja Qaprindaşviliyə azadlıq" – Marneulidə həkimlər aksiya keçirib
Bu
gün, Marneuli tibbi klinikasının (köhnə xəstəxana) həkimləri Vaja
Qaprindaşviliyə dəstək üçün aksiya keçiriblər.
Onlar tibbi müəssisənin qarşısına çıxaraq
həkim Vaja Qaprindaşviliyə həmrəyliklərini bildiriblər.
“Marneulinin tibbi cəmiyyəti həkim Vaja
Qaprindaşvilinin azad edilməsini tələb edir. Çünki bu bütün dünyada
sülh elçisidir. Vaja Qaprindaşvilini Rusiyanın işğalçı ordusu
saxlayıb. O, müharibə zamanı yararlıları müalicə edirdi. Biz onun
azadlığa buraxılmasını tələb edirik”, – aksiya
iştirakçısı, cərrah Zaza Kamuşadze bildirir.
Xatırladaq ki, işğal qüvvələrinin
nümayəndələri həkim Vaja Qaprindaşvilini 9 noyabrda Axalqori
rayonunda saxlayıblar və onu sərhədi qəsdən pozaraq keçməkdə
ittiham ediblər. De-fakto qanunvericiliklə isə bu cinayət hesab
olunur. 15 noyabr tarixində Gürcüstanın ortoped-travmatoloqlar
ittifaqının prezidentinə Tsxinvalinin De-fakto məhkəməsi tərəfindən
iki aylıq həbs cəzası verilib.
Gürcüstan miqyasında bir çox tibbi
müəssisələrdə Vaja Qaprindaşviliyə dəstək aksiyaları keçirib. Onun
azad edilməsini Estoniyanın keçmiş prezidenti də dəstəkləyir. O,
video müraciət yayımlayıb və orada De-Fakto Cənubi Osetiya
hakimiyyətindən Vaja Qaprindaşvilini azad etməyi tələb
edib.