Kilsənin reytinqi iyuldan sonra 14% azalıb - NDİ
Milli Demokratik
İnstitut (NDİ) və CRRC Gürcüstan tərəfindən bu gün yayımlanan
araşdırmaya görə, Gürcüstanın pravoslav kilsəsinin fəaliyyətini
əhalinin yarısı müsbət dəyərləndirib.
Bu göstərici 2019-cu ilin iyula olan göstəriciləri ilə müqayisədə
14% azalıb.
Qalan hissəyə gəldikdə isə kilsənin fəaliyyətini 12% mənfi, 25%
orta dəyərləndirir, 12% isə suala cavab verməyib.
Qeyd olunan araşdırma 2019-cu ilin 19 noyabr-13 dekabr dövründə,
Gürcüstan miqyasında aparılan 2 180 canlı müsahibə nəticəsində
yazılıb, ölkənin gürcü, erməni və azərbaycandilli əhalisi arasında
(işğal edilmiş ərazilər istisna olmaqla) keçirilib. Sorğunun səhv
olma həddi +/- 1,9 faizdir.