2022-ci ildə Gürcüstanda mütləq yoxsulluq həddindən aşağı olan
əhalinin xüsusi çəkisi (mütləq yoxsulluq səviyyəsi) əvvəlki ilin
müvafiq dövrü ilə müqayisədə 1,9 faiz bəndi azalaraq 15,6 faiz
təşkil edib. Bu barədə məlumatı Milli Statistika Xidməti yayıb.
Onların hesabatlarına görə, 2022-ci ildə şəhər yaşayış
məntəqələrində mütləq yoxsulluğun səviyyəsi 2,7 faiz bəndi azalaraq
12,3 faiz, kənd yaşayış məntəqələrində isə 0,7 faiz bəndi azalaraq
20,6 faiz təşkil edib.
“2022-ci ildə əhalinin bütün yaş qruplarında yoxsulluğun mütləq
səviyyəsi əvvəlki illə müqayisədə azalıb. O cümlədən, 18 yaşadək
yaş qrupunda bu göstərici 20,4 faiz (-2,3 faiz bəndi), 18-64 yaş
qrupunda 15,3 faiz (-2,0 faiz bəndi), 65 və yuxarı yaş qrupunda isə
10,5 faiz (-2,0 faiz bəndi) təşkil edib.
Qadınlarda mütləq yoxsulluq səviyyəsi 1,8 faiz bəndi azalaraq 15,3
faiz, kişilərdə isə 2,1 faiz bəndi azalaraq 15,8 faiz təşkil
edib.
2022-ci ildə əvvəlki illə müqayisədə Cini əmsalının məcmu gəlirlərə
görə dəyəri 0,37-dən 0,36-ya enib, ümumi istehlak xərclərinə görə
isə dəyişməyərək 0,34 təşkil edir”, - deyə Milli
Statistika Xidməti məlumat yayıb.