Xüsusi İstintaq Xidmətinin əməkdaşları zorakılıq və hədə-qorxu
əməllərinə görə Daxili İşlər Nazirliyinin Xüsusi Təyinatlı İşlər
İdarəsinin əməkdaşını saxlayıblar.
“İstintaqla müəyyən edilib ki, təqsirləndirilən şəxs
2022-ci ilin dekabr ayından 2024-cü ilin aprel ayınadək olan
müddətdə arvadını boşandıqdan sonra telefon danışığı zamanı, o
cümlədən internet tətbiqi vasitəsilə səsli mesajlar göndərməklə
sistematik şəkildə zorakılığa məruz qoyub, zərərçəkmişi və ailə
üzvlərini sistemli şəkildə həyatlarını almaqla hədələyib.Həmçinin
22 avqust 2023-cü il tarixdə müttəhim zərərçəkmişin yaşadığı
ünvanın darvazasına hədə-qorxu mesajı yazıb və hədə-qorxu gəlmək
məqsədilə orada bir patron qoyub. Bundan başqa, oktyabrda
25.02.2023-cü il tarixdə oğlunu aparması ilə əlaqədar zərərçəkmiş
şəxslə münaqişə zəminində odlu silah nümayiş etdirərək onun
həyatını almaqla hədələmiş və hədə əlaməti olaraq pistoletdən 3
dəfə atəş açaraq hadisə yerini tərk etmişdir. Həmçinin, 29 mart
2024-cü il tarixində təqsirləndirilən şəxs “Whatsapp” proqramı
vasitəsilə zərərçəkmişə səsli mesajlar göndərərək onu yenidən
öldürməklə hədələyib.
Xüsusi İstintaq Xidməti zərərçəkmiş qadına müraciət etdikdən sonra
təxirəsalınmaz istintaq-əməliyyat tədbirləri həyata keçirib.
Şahidlər dindirilib, hadisə yerinə baxış keçirilib, maddi sübutlar
və elektron məlumatlar əldə edilib, bundan sonra 2024-cü il aprelin
10-da hüquq-mühafizə orqanlarının əməkdaşı məişət zorakılığı və
hədə-qorxu ilə təqsirləndirilərək saxlanılıb”, - deyə
məlumatda bildirilir.
Cinayət 2 ilə qədər azadlıqdan məhrumetmə ilə cəzalandırılır,
asayiş keşikçisi 48 saat ərzində ittiham olunacaq.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.