Gürcüstan Maliyyə Nazirliyinin istintaq xidmətinin məlumatına görə,
dövlət məqsədli kreditdən təyinatı üzrə istifadə edilməməsi
və saxta sənədlərin hazırlanması və istifadəsi faktları üzrə 26
nəfərə qarşı cinayət təqibi başlanıb.
“Gürcüstanın Maliyyə Nazirliyinin istintaq xidmətinin
əməkdaşlarının Ekologiya və Kənd Təsərrüfatı Nazirliyi ilə
razılaşdıraraq həyata keçirdikləri əməliyyat-axtarış tədbirləri və
istintaq hərəkətləri nəticəsində dövlət məqsədli kreditindən
təyinatı üzrə istifadə edilməməsi və saxta sənədlərin hazırlanması
və istifadəsi faktları üzrə 26 nəfər barəsində cinayət təqibi
başlanıb.
İstintaq müəyyən edib ki, “Dövlət Güzəştli Kənd Təsərrüfatı
Krediti” layihəsi çərçivəsində cavabdehlər 2018-2022-ci illərdə
müxtəlif bank qurumlarından ümumilikdə 1 milyon 789 min 440 lari
məqsədli aqrokredit alıblar ki, bunun da əsas hissəsi ilə dövlət
büdcəsindən faizləri maliyyələşdiriblər. Kreditlər kənd təsərrüfatı
fəaliyyətlərinə, o cümlədən çoxillik bitkilərin becərilməsinə,
şərabçılıq avadanlıqlarının alınmasına, xırda mal-qaranın
alınmasına, təsərrüfatların və anbarların tikintisinə sərf edilməli
idi.
Müəyyən edilib ki, təqsirləndirilən şəxslər qanunsuz maddi səmərə
əldə etmək məqsədilə həmin vəsaiti şəxsi maraqları naminə istifadə
edərək, cinayət əməlini ört-basdır etmək məqsədi ilə saxta
alqı-satqı aktları hazırlayıb, o cümlədən şəxsi auditorlar
tərəfindən saxta rəylər tərtib ediblər.
Sözügedən cinayət əməli nəticəsində dövlətə dəymiş ziyanın məbləği
ümumilikdə 227 748 lari təşkil edib və aparılan istintaq
hərəkətləri nəticəsində dövlətə əlavə olaraq 238 709 lari ziyan
vurmaq ehtimalının qarşısı alınıb.
"Bu mərhələ üçün 179 442 lari məbləğində dəymiş ziyan
ödənilib. Dövlət büdcəsinə dəymiş ziyanın qalıq hissəsinin səfərbər
olunmasını təmin etmək üçün müvafiq tədbirlər görülür. İş Gürcüstan
Cinayət Məcəlləsinin 208, 210 və 362-ci maddələri ilə araşdırılır
ki, bu da cəza olaraq 5 ildən 8 ilədək müddətə azadlıqdan
məhrumetməni nəzərdə tutur”, - deyə məlumatda
bildirilir.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.