Bu ilin yanvar-mart aylarında Gürcüstan qonşu ölkələrə 20,3 milyon kVt/saat elektrik enerjisi ixrac edib.

Bu barədə Gürcüstan Statistika Komitəsi məlumat yayıb.

Bildirilib ki, bu ilin yanvar-mart aylarında ölkədən ixrac edilən elektrik enerjisinin ümumi dəyəri 1,3 milyon ABŞ dolları təşkil edib.

Bu ilin birinci rübündə Gürcüstandan elektrik enerjisinin ixracının həcmi 14 dəfə artıb.

İxrac edilən elektrik enerjinin böyük hissəsi Azərbaycana (913 min ABŞ dolları), qalan hissəsi isə Ermənistana (350 min ABŞ dolları) gedib.

Bu müddət ərzində Gürcüstan 1,9 milyon ABŞ dolları dəyərində 438,4 milyon kVt/saat elektrik enerjisi idxal edib.

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.