Avropa Parlamentinin deputatı Sven Mikser bəyan edib ki, rus qanunu
qəbul ediləcəyi təqdirdə Gürcüstan artıq Avropa İttifaqına daxil
olacağını gözləməməlidir.
Avropa Parlamentində Gürcüstanla bağlı müzakirələr zamanı o
bildirib ki, bu qanunun qəbulu vətəndaş cəmiyyətini və ifadə
azadlığını məhdudlaşdıracaq, eyni zamanda ayrı-seçkiliyə yol
açacaq.
“Təəssüf ki, bu [rus qanununun qəbulu] Gürcüstanın
Avropaya inteqrasiya perspektivlərinə təsir edəcək. “Gürcüstan
namizəd ölkədir, lakin “xarici agentlər” haqqında qanun qəbul
olunarsa, ölkənin Avropa İttifaqına daxil olacağına dair heç bir
gözlənti olmamalıdır”, - deyə Sven Mikser
bildirib.
Avropa parlamentarinin fikrincə, Gürcüstan hakimiyyətinin rus
qanunlarını qəbul etmək cəhdi “Gürcü arzusu”nun ritorikasının və
hərəkətlərinin bir-birindən fərqləndiyinin daha bir
nümunəsidir.
Aprelin 23-də Avropa Parlamentində Gürcüstanla bağlı debat
keçirilib. Sessiyanın adı “Gürcüstanda xarici təsir agentləri
haqqında qanunun yenidən qəbul edilməsi cəhdi və onun vətəndaş
cəmiyyətinin məhdudlaşdırılmasına təsiri” olub.
Avropa Parlamentində “Gürcüstanda xarici agentlər haqqında qanunun
yenidən tətbiqi cəhdləri və vətəndaş cəmiyyətinə məhdudiyyətlər
haqqında” qətnamənin qəbuluna təşəbbüs irəli sürülüb. Qətnamə
müəlliflərinin fikrincə, qanun mübahisəli sayılır və hakimiyyətə
müstəqil səsləri gözdən salmaq və məhdudlaşdırmaq üçün güclü alət
verir. Eyni zamanda, bu, mətbuat və ifadə azadlığını təhdid edir və
Gürcüstanda ictimai həyatın həqiqi şəffaflığını azaldacaq. Qətnamə
üzrə səsvermə aprelin 25-də keçiriləcək.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.