Mart ayında Rustavidə Rustavi İctimai Sağlamlıq və Təhlükəsiz Ətraf
Mühit Mərkəzi 7 salonda ilkin yoxlama aparıb.
Bu barədə “İnfo Rustavi”yə mərkəzin rəhbəri vəzifəsini icra edən
Lali Dekanosidze məlumat verib.
Onun sözlərinə görə, salonlara baxış keçirildikdən sonra 7 akt
yazılıb. Üç salonda isə aktlarla birlikdə problemləri aradan
qaldırmaq üçün 3 yazılı göstəriş verilib.
Lali Dekanosidzenin sözlərinə görə, salonlara mövcud problemləri
düzəltmək üçün vaxt verilib, bundan sonra onlar yenidən
yoxlanılacaq.
Məlumat üçün bildirək ki, 2023-cü ilin mart ayından Meriyanın
müvafiq xidmətinin əməkdaşları bütün şəhər ərazisində yerləşən
estetik-kosmetika mərkəzlərinin sanitar-gigiyenik vəziyyətini
yoxlayırlar.