Baş Prokurorluğun məlumatına görə, xüsusilə ağır cinayətlərə görə
İnterpolun qırmızı kateqoriyasında axtarışda olan şəxsin
Gürcüstandan ABŞ-a ekstradisiyası həyata keçirilib.
İstintaq orqanının məlumatına görə, ekstradisiya edilmiş şəxs
2017-2021-ci illərdə Texas ştatında azyaşlı uşaqlara qarşı cinsi
zorakılıq və ailə üzvünə təcavüzə görə Amerika Birləşmiş
Ştatlarının səlahiyyətli orqanları tərəfindən axtarışa verilib.
Həmçinin 2020-2021-ci illərdə Luiziana ştatında mütəşəkkil
cinayətkar qrupa üzvlük və digər cinayətlərə görə axtarışda
olub.
“Gürcüstan Baş Prokurorluğunun vəsatəti əsasında Tbilisi şəhər
məhkəməsi adıçəkilən şəxsin Amerika Birləşmiş Ştatlarına
ekstradisiyasını məqbul hesab edib.
2023-cü il dekabrın 26-da Gürcüstanın ədliyyə naziri ekstradisiya
ilə bağlı yekun qərar qəbul edib, bundan sonra axtarışda olan şəxs
Xüsusi Penitensiar Xidmətin əməkdaşları tərəfindən Amerika
Birləşmiş Ştatlarının səlahiyyətli orqanlarının nümayəndələrinə
təhvil verilib.
Gürcüstan Prokurorluğu axtarışda olan şəxslərin məsuliyyətə cəlb
edilməsi üçün gələcəkdə tərəfdaş ölkələrin səlahiyyətli orqanları
ilə uğurlu əməkdaşlığa hazır olduğunu bildirir”, -
deyə məlumatda bildirilir.
Məlumatda qeyd olunub ki, cinayətkarın ekstradisiyası ilə bağlı
yekun qərar 2023-cü il dekabrın 26-da qəbul edilib.