Ukrayna Baş Qərargahı Rusiyaya məxsus desant gəmisinin məhv edilməsi ilə bağlı məlumatı rəsmi olaraq təsdiqləyib.

Baş Qərargahın sosial şəbəkədə yazdığı kimi, ukraynalılar fevralın 14-də “Kreyser Kunikov”u vurub və əməliyyat Müdafiə Nazirliyinin kəşfiyyatı ilə birgə həyata keçirilib.

Bundan əvvəl “Ukrainska Pravda” mənbələrə əsaslanaraq gəminin batması ilə bağlı məlumat yayıb və onun ukraynalıların pilotsuz təyyarələrlə hücumuna məruz qaldığını, daha sonra isə batdığını yazıb. Sosial şəbəkələrdə də hadisəni əks etdirən videolar yayılıb.

Rusiya tərəfi insidentlə bağlı açıqlama verməyib, lakin bu gün səhər Rusiya mətbuatının yazdığına görə, fevralın 14-nə keçən gecə işğalçılar Qara dənizdə 6 pilotsuz uçan aparatı vurublar.