İsveçrə səfirliyinin rəsmisi ABŞ-nin İrandakı maraqlarının
müdafiəçisi kimi İran XİN-ə çağırılıb.
Bu barədə İran xarici işlər naziri Hüseyn Əmir Abdullahian “X”
sosial şəbəkəsində bildirib.
Onun sözlərinə görə, İsrailin İran İslam Respublikasının Dəməşqdəki
konsulluğunun diplomatik binasına hücum nəticəsində İranın bir neçə
rəsmi hərbi müşavirinin ölümündən sonra İsveçrə səfirliyinin
rəsmisi ABŞ-nin İrandakı maraqlarının müdafiəçisi kimi nazirliyə
çağırılıb.
Görüşdə İsrailin hücumu barədə məlumat verilib və Amerika
hökumətinin məsuliyyəti vurğulanıb.
"İsrailin himayədarı kimi Amerika hökumətinə mühüm
mesaj göndərilib. Amerika məsuliyyətə cəlb
edilməlidir”, - nazir qeyd edib.
Rəsmi Vaşinqton da açıqlamay verərərək qeyd edib ki, İran İslam
Respublikasının Dəməşqdəki konsulluğunun diplomatik binasına
hücumdan əvvəlcədən xəbərdar olmayıb.
Bu barədə ABŞ Prezident Administrasiyası məlumat yayıb.
Qeyd edək ki, bu gecə İsrail Hərbi Hava Qüvvələrinin Suriya
paytaxtının qərbində, İran konsulluğunun yerləşdiyi Mezze
məhəlləsinə raket hücumu nəticəsində azı 11 nəfər həlak olub.
Məlumata görə, ölənlərdən yeddisi İslam İnqilabı Keşikçiləri
Korpusunun (SEPAH) zabitləri, üçü Suriya, biri isə Livan
vətəndaşıdır.