Qardabanidə gənclər və yeniyetmələr arasında Kikboks üzrə turnir keçirilib
24
aprel tarixində Qardabanidə gənclər və yeniyetmələr arasında
Kikboks üzrə turnir keçirilib.
Qardabani bələdiyyəsinin idman mərkəzinin
təşkilaçılığı ilə baş tutan turnirə Marneuli idmançıları da iştirak
ediblər. Bu haqda məlumatı bizimlə söhbəti zamanı WFMC-Gürcüstan
təşkilatının rəhbəri Tofiq Əkbərov verdi.
Onun sözlərinə görə, yarışa üç idmançı ilə qatılıblar.
İdmançılardan Orxan Əsgərov rəqiblərinə qalib gələrək birinci yerə
çıxıb. Turnirdə iştirak edən digər iki idmançı Cahandar Əsgərov və
Samir Mehdiyev isə ikinci yerə layiq görülüblər.
Əkbərov onu da bildirdi ki, turnirdə komanda hesabına görə Marneuli
komandası dördüncü yerə layiq görülüb.
Onu da əlavə edək ki, turnirdə komanda hesabı ilə Siqnaxi komandası
birinci olub, ikinci yerdə Qardabani, üçüncü yerdə isə Zalqa
bələdiyyəsinin komandaları qərarlaşıblar.