Çində keçirilən yarışda Qardabanili idmançı növbəti qələbəsini qazanıb (VİDEO)
13:37 / 01.08.2023
29 iyul tarixində Çində keçirilən “Kikboksinq” üzrə beynəlxalq
yarışda Qardabanili idmançı növbəti qələbəsini qazanıb.
Çinin Tangshan şəhərində keçirilən yarışda 19 yaşlı Qardabanili
idmançı Elnar Vəliyev çinli rəqiblərini məğlub edib.
Elnar Vəliyev 67 kq çəki dərəcəsində mübarizə aparıb. İdmançı indi
növbəti yarışına hazırlaşır.
Qeyd edək ki, Elnar Vəliyev “Qardabani Fight Kickboxing” klubunun
idmançısıdır. İdmançı bu günə qədər ölkə və beynəlxalq səviyyəli
bir sıra yarışlarda iştirak edib. İndi isə müqavilə əsasında 3 ay
ərzində Çində “Kikboksinq” üzrə döyüşlərdə iştirak edəcək.
Xatırladaq ki, 22 iyul tarixində Çinin paytaxtı Pekin şəhərində
keçirilən yarışda 19 yaşlı Qardabanili idmançı Elnar Vəliyev və 21
yaşlı Qaraçöplü Elvin Kazımov birinci yerə çıxıblar. Hər iki
idmançı çinli rəqiblərini məğlub ediblər.
Həmin yarışda Çin, Gürcüstan, Rusiya, İran, Tailand, Vyetnam və bir
sıra ölkələrdən 50-dən çox idmançı iştirak edib.