2 sentyabr tarixində Tsereteli kənd futbol meydançasında Marneuli
və Dmanisinin həvəskar futbol komandaları arasında oyun baş tutub.
“Həvəskarlar liqası 2023” Gürcüstanın bütün bələdiyyələrində həyata
keçirilir. Birinci mərhələdə oyunlar bələdiyyələrdə keçirilir,
növbəti mərhələdə isə bələdiyyələr bir-biri ilə qarşılaşırlar və
birincilik uğrunda mübarizə aparırlar.
Marneulinin “Tsereteli” komandası Dmanisini 5-0 hesabı ilə məğlub
edib və növbəti mərhələdə oynamaq hüququ qazanıb. Marneuli yerli
özünüidarəsi “Gürcüstan Həvəskar Futbol Assosiasiyası”-nın
tələbindən sonra “Tsereteli” komandasına futbol formaları və
ayaqqabılar alıb.
“Bildiyiniz kimi, qeyd olunan çempionat 20 iyunda Marneuli
bələdiyyəsində başlayıb, 12 həvəskar futbol komandası iştirak
edirdi. Çempionat 20 iyulda başa çatıb.
“Gürcüstan Həvəskar Futbol Assosiasiyası” adından təşkialtçılıqda
və turnirin yüksək səviyyədə keçirilməsində göstərdiyiniz yardıma
görə minnətdarlığımızı bildiririk. Bildirmək istəyirik ki,
Marneulinin bələdiyyə mərhələsinin qalibi “Tsereteli” həvəskar
komandası olub”.
Bələdiyyədən sonra regional mərhələ başlayacaq. Marneulinin
bələdiyyə mərhələsinin qalib komandasına Kvemo Kartlinin regional
liqasında iştirak etmək hüququ verilir.
Bələdiyyələr regional mərhələdə iştirak edən, onları təmsil edən
komandaları forma və nəqliyyatla təmin edəcəklər”, –
Gürcüstanın Həvəskar Futbol Assosiasiyası tərəfindən Marneuli
merinə yazılmış müraciətdə qeyd olunub.
Marneuli meriyası “Tsereteli” komandasına forma və ayaqqabıları
sadələşdirilmiş qaydada “SBM Team” MMC-dən alıb. Meriya futbol
komandasına müxtəlif idman geyimlərinin almaq üçün 3531 lari
xərcləyib. 19 dəst futbol ayaqqabılarına isə 4 883 lari ödəyib.
İndiki mərhələdə “Tsereteli” komandasının növbəti oyununun kiminlə
və nə zaman baş tutacağı məlum deyil.