Argentinanın Rosario şəhərində yerləşən və Lionel Messinin həyat
yoldaşı Antonela Rokutsoya məxsus olan supermarket qarət edilib.
Mənbənin yazdığına görə, hücum supermarketdən banka 22,4 min dollar
aparan avtomobilə edilib.
Belə ki, avtomobildən düşən iki nəfər qara rəngli “Chevrolet”
markalı avtomobilin şüşələrindən birini sındırıb. Həmin vaxt
“Chevrolet” markalı avtomobildə Antonellanın əmisi qızı və
supermarketin iki işçisi olub.
Soyğunçular pulla dolu iki çantanı götürüb qaçmazdan əvvəl
avtomobili atəşə tutublar.
Zərərçəkənlərin yüngül qançırlar aldığı və şok vəziyyətində
olduqları bildirilir.
Artıq hadisə ilə bağlı araşdırmanın aparıldığı bildirilir. Hələlik
cinayəti kimin törətdiyinə dair məlumat yoxdur.
Mənbə: oxu.az