Gürcüstan Hava Limanları Assosiasiyası sərnişinlərin daşınması və
turizmin təşviqi məqsədilə Gürcüstanın mülki hava limanlarında
uçuşların
təşkili ilə bağlı tender elan edib. Elektron tender ümumilikdə 12
istiqamət üzrə iki hissədə elan edilmiş daxili reyslərə aiddir.
Onların arasında yeni istiqamətlərə uçuşlar həyata keçiriləcək.
Tbilisi-Batumi-Tbilisi istiqamətində uçuşlar maraqlı şirkət
tərəfindən orta ölçülü təyyarə ilə (ən azı 40 nəfər üçün) yerinə
yetirilməlidir. Satınalmanın indikativ ümumi dəyəri 3,049,973 ABŞ
dolları ekvivalentidir. Satınalma müddəti 2 ildir. Müqavilənin
bütün qüvvədə olduğu müddət ərzində hər iki istiqamətdə alınacaq
oturacaqların sayı təxminən 26 560 yer olmalıdır.
Gürcüstan Hava Limanları Assosiasiyasının baş direktoru İrakli
Karkaşadzenin sözlərinə görə, Gürcüstan Hava Limanları
Assosiasiyasına məxsus bütün beynəlxalq və yerli hava limanları
Tbilisi, Mestia, Telavi, Ambrolauri, Batumi və Kutaisi ilə
birləşdiriləcək.
"Gürcüstan Hava Limanları İttifaqı Gürcüstan hökuməti
tərəfindən subsidiyalaşdırılan daxili reyslər üçün yeni tender elan
edib. Tender bizim ixtiyarımızda olan bütün hava limanlarını
birləşdirmək məqsədi daşıyır. Telavi hava limanı bərpa edildikdən
sonra o da istiqamətə daxil ediləcək. Biz Telavi hava limanını
bütün digər hava limanları ilə birləşdirəcəyik.Layihənin məqsədi
ölkə daxilində mobilliyi daha da artırmaqdır ki, bu da turizmin
inkişafına töhfə verəcək və səyahət edənlərin Gürcüstana səfəri
daha da maraqlı olacaq", - İrakli Karkaşadze
deyir.
İstiqamətlərə uyğun olaraq təyyarədə oturacaqların sayı aşağıdakı
kimidir:
- Telavi-Batumi-Telavi istiqaməti - ən azı 40
yer;
- Tbilisi-Ambrolauri-Tbilisi istiqaməti - ən azı 40
yer;
- Tbilisi-Kutaisi-Tbilisi istiqaməti - ən azı 40
yer;
- Telavi-Kutaisi-Telavi istiqaməti - ən azı 40
yer;
- Telavi-Ambrolauri-Telavi istiqaməti - ən azı 40
yer;
- Telavi-Tbilisi-Telavi istiqaməti - ən azı 40
yer;
- Mestia-Batumi-Mestia istiqaməti - 15 yer;
- Mestia-Kutaisi-Mestia istiqaməti - 15
yer;
- Mestia-Tbilisi-Mestia istiqaməti - 15
yer;
- Mestia-Ambrolauri-Mestia istiqaməti - 15
yer;
- Mestia-Telavi-Mestia istiqaməti - 15 yer.
Satınalmanın indikativ ümumi dəyəri 5,601,140 ABŞ dolları
ekvivalentidir. Satınalma müddəti 1 ildir.