Tbilisidə atıcılıq mərkəzində partlayış baş verib. Mərkəzdə baş
vermiş partlayış nəticəsində ölənlərin sayı artıb.
Bu barədə Gürcüstanın Daxili İşlər Nazirliyinin Fövqəladə Hallar
Xidməti məlumat yayıb.
Qeyd edilir ki, zərərçəkənlərdən daha biri xəstəxanada dünyasını
dəyişib. Bununla da ölənlərin sayı 4 nəfərə çatıb.
Daha üç zərərçəkən yanıq mərkəzinə aparılıb. Həkimlərin sözlərinə
görə, partlayış nəticəsində xəsarət alanlardan biri reanimasiyada,
ikisi cərrahiyyə palatasındadır.
Hadisə ilə bağlı araşdırmalar aparılır.
İstintaq “Elektrik və ya istilik enerjisi, qaz, neft və ya neft
məhsulları obyektlərində təhlükəsizlik qaydalarının pozulması”
maddəsi ilə aparılır. Cəza 6 ildən 10 ilə qədər həbsdir.