Sabun seçərkən nəyə daha çox diqqət etməli olduğumuz barədə
rusiyalı dermatoloq və kosmetoloq Natalya Rudıka danışıb.
“Sabunun tərkibində sintetik səthi-aktiv maddələr, polietilen
qlikollar, trietanolaminlər, sintetik boyalar, ətirlər və
aromatizatorlar olmamalıdır”, - deyə mütəxəssis
bildirib.
“Təbii sabun bitki yağlarının yağ turşularının duzlarıdır. Buna
görə də, onun güclü ətri və rəngi olmayacaq. Yuyucu vasitənin
tərkibində dərman bitkiləri, gil, minerallar, müalicəvi palçıq və
ətir üçün efir yağları da olsa, yaxşıdır”, - deyə
Rudıka vurğulayıb.
Dermatoloq onu da əlavə edib ki, bərk sabun maye sabundan daha
təhlükəsizdir.
Saglamolun.Az