Marneuli meriyası “One Caucasus” tədbirinin təşkilatçılıq xidməti
üçün 42 000 lari dəyərində tender elan edib.
Musiqili festival Marneulidə, Tserakvi kəndində avqust ayında
keçiriləcək. Yerli özünüidarə konsert səhnəsinin quraşdırılması,
səhnənin effektlər və işıqlandırmalarla təmin edilməsi, səsləndirmə
aparaturası, səs rejissoru və asistent, işıqlandırma üzrə rejissor,
konsert səhnəsinin qurulması və dizel-generator xidməti əldə
etməlidir.
Tenderdə iştirak etmək istəyən şirkətlər 12-15 avqust tarixlərində
təkliflərini göndərə bilərlər. Qalib şirkət 2023-cü ilin 24
avqustundan 27 avqust tarixinə qədər, davamlı şəkildə 4 gün ərzində
qeyd olunan aparatura, cihazları təmin etməli və müvafiq xidmət
göstərməlidir (sifarişcinin qeyd etdiyi yerdə).
“One Caucasus” festivalı Marneulidə 2014-cü ildə keçirilir və
bələdiyyədə keçirilən yeganə beynəlxalq festivaldır. Festvalda
iştirak etmək təmənnasızdır. Eləcə də Tbilisidən və Marneulidən
nəqliyyat təmin edilir. Festival ərzində çadır açmaq üçün nəzərdə
tutulmuş ərazidən təmənnasız istifadə edə bilərsiniz.
“One Caucasus Festivalında unudulmaz təcrübəyə
hazırlaşın. Festivalda müxtəlif mədəniyyətlər bir-biri ilə
qarşılaşır! İncəsənət, mədəniyyət və birlik bayramını birlikdə qeyd
edək. Festival çərçivəsində biz bütün dünyadan olan incəsənəti,
musiqiçiləri, arxitektorları, pedaqoqları və könüllüləri
birləşdiririk”, – “One Caucasus”-un feysbuk
səhifəsində yazılıb.
Nə gözləməlisiniz:
- Qafqazdan və onun sərhədlərindən kənar musiqiçilərin
iştirak etdiyi vahid beynəlxalq musiqili layihələr.
- Müasir sənət adamlarının Tserakvi kəndində yaradacağı
möhtəşəm vizual incəsənət proqramı.
- Çoxfəaliyyətli “One Caucasus” şəhərciyini,
arxitektorlar, könüllülərvə yerli sakinlər tərəfindən yaradılmış
məkan və rəngarəng fəaliyyətləri kəşf et.