Gürcüstan Prezidenti Salome Zurabişvili hakim “Gürcü Arzusu” partiyasının parlamentə təqdim etdiyi “Xarici təsirlərin şəffaflığı haqqında” qanun layihəsini veto qoyacaq.

Bu barədə Prezidentin parlament katibi Qiorqi Msxiladze bildirib. O, Prezidentin Konstitusiya haqqından istifadə edəcəyini və qanunun qüvvəyə minməsinin qarşısını alacağını vurğulayıb.

Msxiladzenin sözlərinə görə, parlamentin bu gün keçirilən büro iclasında hakim partiyanın ötən il verdiyi vədinə uyğun olaraq qanun layhəsinin qeydiyyatdan keçirilməməsi, komitə iclaslarında müzakirəyə çıxarılmaması tələb edilib.

Qeyd edək ki, “Gürcü Arzusu” partiyası ötən il “Xarici agentlər haqqında” adı ilə parlamentə təqdim etdiyi, lakin Tbilisidə iğtişaşlar səbəbilə ləğv etdiyi qanun layihəsini aprelin 3-də yenidən parlamentə təqdim edib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.