Qiorqi Amilaxvar Azərbaycanın elm və təhsil nazirinin müavini ilə işgüzar görüş keçirib
Azərbaycanın elm və təhsil nazirinin müavini Həsən Həsənlinin
rəhbərlik etdiyi nümayəndə heyəti 27
noyabr tarixində Tbilisidə Gürcüstanın təhsil və elm naziri Qeorqi
Amilaxvari ilə görüşüb.
Görüşdə Azərbaycan ilə Gürcüstan arasında elm və təhsil sahəsində
əməkdaşlığın perspektivləri diqqət mərkəzində olub. Söhbət zamanı
iki ölkənin müvafiq universitetləri arasında müəllim və tələbə
mübadiləsi, birgə elmi araşdırmaların aparılması və s. məsələlər
barədə fikir mübadiləsi aparılıb.
Azərbaycan ilə Gürcüstan arasında elm və təhsil sahəsində
əməkdaşlığın daha da genişlənməsi və inkişafı baxımından qarşılıqlı
səfərlərin sayının artırılmasının vacibliyi qeyd edilib.
Görüşdə Azərbaycanın Gürcüstandakı səfiri Faiq Quliyev və digər
rəsmi şəxslər iştirak ediblər.