Marneuli bələdiyəsi itlər üçün sığınacaqla bağlı yenidən tender elan etdi.
Bələdiyyə tender şərtlərini dəyişdirməyib və xidmət üçün yenə 16 949 lari nəzərdə tutulub.

16 949 lari ilə bələdiyyə 242 itin sığınacağa aparılması, ehtiyac olduğu halda evtanaziyası və heyvanlar üçün ayırılmış yerdə basdırılmasını tələb edir. Əvvəlki tender isə heyvan müdafiəçilərinin dəyərləndirmələrinə görə, məhz məbləğin azlığına görə ləğv olunmuşdu.

Gürcüstan Heyvanların Müdafiəsi Federasiyasının nümayəndəsi Temur Laçkepianinin dediyinə görə, 1 itə xidmət göstərilməsi üçün 70 lari çox azdır və əgər kimsə belə tenderdə iştirak edərsə, işləri insafsız şəkildə yerinə yetirməli olacaqlar.