Əfqan Muxtarlının vəkili Elçin Sadıqov jurnalistə bəraət
verilməsini tələb edirdi, lakin iddia tərəfi isə məhkəmə qərarının
qüvvədə saxlanılmasını tələb edirdi.
Qısa iclasdan sonra hakimlər kollegiyası Əfqan Muxtarlıya qarşı
məhkəmə qərarının qüvvədə saxlanılmasına qərar verdilər.
Xatırladırıq ki, Azərbaycanlı müxalif jurnalist Əfqan Muxtarlı
keçən il 29 may tarixində Tbilisidə itkin düşmüşdü. Daha sonra onun
Azərbaycanda olduğu məlum olmuşdu. Əfqan Muxtarlıya qarşı üç maddə
ilə ittiham irəli sürülüb. O, Azərbaycan Dövlət sərhədlərini
qanunsuz keçmək, qaçaqmalçılıq və hakimiyyət nümayəndəsinə
müqavimət göstərmək və ya zorakılıqda ittiham olunur.
12 yanvar 2018-ci ildə Azərbaycan məhkəməsi Əfqan Muxtarlıya 6 il
müddətinə azadlıqdan məhrumetmə cəzası verib.