Malidə dinc sakinlərə hücum – 47 nəfər ölüb
Malinin şimalındakı Menaka şəhərində silahlı
şəxslər tərəfindən təşkil olunmuş hücumlarda 47 dinc sakinin öldüyü
bildirilir.
Yerli mətbuatdakı xəbərlərə görə, Menaka şəhərinə 60 kilometr
uzaqlıqdakı Tassalatine və Tinabau bölgəsində silahlı şəxslər
vətəndaşlara hücum edib.
Sayları 9 ilə 12 arasında olduğu bildirilən hücumçuların
şəxsiyyətinin müəyyən edilmədiyi hadisədə 47 nəfər dinc sakin
həyatını itirib, çox sayda adam yaralanıb.
Hücum edən şəxslərin geri çəkilmədən əvvəl 80 kvadrat kilometr
sahədə otlaq əraziləri yandırdığı da qeyd olunub.
Bölgə xalqı Malidəki Birləşmiş Millətlər missiyası “MINUSMA”-dan
hadisə nəticəsində zərər çəkən insanlara yardım üçün insan haqları
orqanlarına müraciət etmələrini istəyib.
Malinin şimal və orta hissələri 2012-ci ildən bu yana separatçı
münaqişələr və terror hücumlarına səhnə olur.
İstər Fransanın "Barkhane Əməliyyatı" adı altında 2014-cü ildə
gətirdiyi 4 min əsgər, istərsə də BMT-nin ölkədəki 15 min nəfərlik
sülhməramlı gücü “MINUSMA” bu günə qədər təhlükəsizlik problemini
aradan qaldırmağa nail ola bilməyib.
Mənbə:
aa.com.tr