Gürcüstan Milli Bankının bəyanatına görə, son dövrdə valyuta
bazarında məzənnə kursunun dəyişməsinin səbəbləri fundamental
iqtisadi faktorlara bağlanmır.
Milli Bankın məlumatına görə, kursun hazırki dinamikasına prezident
seçkiləri dövründə olan mühit təsir göstərir. Bu isə valyuta
bazarına təsir edir.
“Milli Bank ictimai məmurları və ekspertləri valyuta
kursu haqqında əsassız bəyanatlar etməkdən və proqnoz verməkdən
çəkinməyə çağırıb ki, bununla düzgün olmayan gözləntiləri daha da
gücləndirməsin. Belə ki, bu gün bazarda olan ABŞ dollarının dəyəri
artıb və Milli Bank əhaliyə və iqtisadi agentlərə məsləhət görür
ki, tələsik qərar verməsinlər. Bu onların özünə zərər vuracaq.
Yuxarıda qeyd olunan bir daha təsdiq edir ki, kredit və gəlir
valyutasının eyni olması daha yaxşıdır. Milli Bank bunu dəfələrlə
elan edib. Belə halda kredit götürənlər kursun qısa müddətli
dəyişikliyinə qarşı həssas olmayacaqlar. Eləcə də xatırladaq ki,
Milli Bankın məqsədi orta müddətli dövrdə qiymətlərin
stabilləşdirilməsini təmin etməkdir. Müvafiq olaraq Milli Bank
əlində olan alətlərdən istifadə edəcək ki, yüksək inflyasiyaya yol
verməsin” - deyilir Milli Bankın bəyanatında.
Oktyabrdan lari dollar və avro ilə müqayisədə ucuzlaşıb. 1
oktyabrda bir ABŞ dollarının rəsmi məzənnə kursu 2.61 lari, bir
avro isə 3.03 lari idi. Bu gün 6 noybrda bir dolların rəsmi dəyəri
2.73 lari, bir avronun isə 3.11 laridir.