2024-cü ilin yanvar ayında Gürcüstanda bəyan edilməmiş ticarət olmadan mallarla xarici ticarət dövriyyəsi 1,34 milyard ABŞ dolları təşkil edib ki, bu da əvvəlki ilin müvafiq dövrü ilə müqayisədə 14,8 faiz azdır.

İxrac 26,2 faiz azalaraq 338,6 milyon ABŞ dolları, idxal isə 10,1 faiz azalaraq 1 milyard ABŞ dolları təşkil edib. 2024-cü ilin yanvar ayında mənfi ticarət saldosu 664,1 milyon ABŞ dolları təşkil edib ki, bu da xarici ticarət dövriyyəsinin 49,5 faizini təşkil edir.

2024-cü ilin yanvarında Gürcüstanın ümumi ixracında on ən böyük ixrac tərəfdaşı ölkənin payı 80,8% təşkil edib. İlk üç ixracatçı aşağıdakı kimi formalaşıb:

Qırğızıstan (46,2 milyon ABŞ dolları), Rusiya (41,6 milyon ABŞ dolları) və Azərbaycan (40,9 milyon ABŞ dolları).

İlk üç idxalçı sırasına Türkiyə (203,1 milyon ABŞ dolları), Rusiya (148,4 milyon ABŞ dolları) və Çin (76,4 milyon ABŞ dolları) daxildir. 2024-cü ilin yanvarında on ən böyük idxal tərəfdaşı ölkənin Gürcüstanın ümumi idxalında payı 70% təşkil edib.

2024-cü ilin yanvar ayında yüngül avtomobillər 112,0 milyon ABŞ dolları ilə ilk on ixrac kateqoriyasında birinci yeri tutub ki, bu da bütün ixracın 33,1%-ni təşkil edir.

İkinci yeri 19,4 milyon ABŞ dolları ilə ferroərintilər (ümumi ixracın 5,7 faizi), üçüncü yeri isə 18,0 milyon ABŞ dolları ilə (5,3 faiz) təbii üzüm şərabları tutur.

Təkrar ixrac olmadan, yerli ixracın ilk onluğunda ferroərintilər birinci, təbii üzüm şərabları ikinci, qiymətli metal filizləri və konsentratları üçüncü yerdədir. Ən böyük ixrac tərəfdaşları Rusiya, Türkiyə və Çindir.