Gürcüstan Səhiyyə Nazirliyinin məlumatına görə, onkologiya diaqnozu qoyulmuş uşaqların müalicə proqramına “Acıbadem Hospitalı” və daha iki klinika, o cümlədən “Liv Hospital” və “Memorial Hospital” əlavə edilib.
Səhiyyə Nazirliyindən verilən məlumata görə, onkoloji diaqnozu qoyulmuş uşaqların müalicəsi artıq 6 klinikada, o cümlədən İsrail və İspaniyanın yüksək texnologiyalı, multidissiplinar tibb mərkəzlərində mümkündür.
Sözügedən proqram çərçivəsində onkoloji diaqnozu qoyulmuş uşaqların dövlət vəsaiti hesabına müalicəsinin mümkün olduğu klinikalar arasında:
• Türkiyənin "Anadolu Tibb Mərkəzi";
• İspaniyanın "Chiron Salud Tibb Mərkəzi";
• İsrailin "İxilov Tibb Mərkəzi" var.
Agentlik bildirib ki, Nazirlik Avropanın digər aparıcı tibb müəssisələri ilə fəal işləyir.
Onkoloji diaqnozu qoyulmuş uşaqların xaricdə müalicəsi proqramına 2023-cü ilin avqustunda start verilib. Səhiyyə Nazirliyindən verilən məlumata görə, proqrama 50-dən çox uşaq cəlb olunub.
Proqram çərçivəsində diaqnostika və müalicə kursları - kimyaterapiya, şüa terapiyası, operativ müdaxilə və proton terapiyası maliyyələşdirilir.