Marneulinin gender bərabərliyi üzrə şurasının
yaradılması, Algeti, Sadaxlı və Saimerlo uşaq bağçaları və 2019-cu
ilin büdcəsi.
Marneuli bələdiyyə məclisinin sədrinin 2018-ci
ildə 3 ən əsas yadda qalan layihəsi budur.
Marneuli bələdiyyəsində gender şurası 2018-ci ilin fevral ayında
yaradılıb. Şuranın əsas öhdəliyi gender bərabrəliyi, ailədə
zorakılıq, erkən evlilik və başqa mövzularla bağlı çalışmaqdır.
Alegti və Sadaxlı uşaq bağçaları müasir standartlara uyğun tikilib
və hər biri 150 uşaq üçün nəzərdə tutulub.
Hər iki bağçada yetişdirmə prosesi artıq başlayıb. Uşaq bağçaları
birliyinin direktoru Zaur Kərəmovun dediyinə görə bağçalarda 180-ə
yaxın uşaq yerləşdirmək mümkün olacaq. Saimerlo uşaq bağçasının
tikintisi qaydaya əsasən artıq başa çatmalı idi, amma işləri yerinə
yetirən şirkət tender şərtlərini pozub və işləri gümn ki, 2019-cu
ilin yanvarında bitirəcək.
Marneulinin 2019-cu ilin büdcəsini bələdiyyə məclisi hələ
təsdiqləməyib. Özünüidarəetmə orqanı büdcəni ictimai müzakirəyə də
çıxarıb. Amma birinci müzakirədə əhali və QHT sektoru iştirak etmək
istəyinin olmasına baxmayaraq edə bilməyib. Bələdiyyə məclisi büdcə
layihəsinin təsdiqlənməsini 27 dekabrda planlaşdırır.