Bu gün, 12 mart tarixində Marneuli meriyasında
“Regionlarda Qərb inteqrasiya prosesi haqqında məlumatlandırma və
qoşulmanın artırılması” layihəsinin təqdimatı baş
tutdu.
Təqdimatda Gürcüstanın Avropa və
Avroatlantikaya inteqrasiyası məsələləri müzakirə olundu.
Dəvət olunan məruzəçi, Gürcüstanın Atlantika Şurasının
vitse-prezidenti Batu Kutelia hesab edir ki, yerli özünüidarəetmə
nümayəndələri bu bələdçinin cəmiyyətdə aktiv yayımçıları
olmalıdırlar.
“Bu görüşün məqsədi odur ki, bələdiyyəyə, yerli
hakimiyyət nümayəndələrinə bu proseslə bağlı çox məlumat verək ki,
sonra onların gündəlik görüşləri olan əhali ilə söhbəti asanlaşsın.
Öz konkret işlərindən əlavə ümumi siyasi və tarixi kontekstdə də
danışsınlar. Çünki bu gündəlik sənlərin prosesidir və onların rolu
da medianın rolu kimi vacibdir” – Batu Kutelia
deyir.
NATO və Avropa Birliyi haqqında Məlumat Mərkəzinin Kvemo Kartli
üzrə regional nümayəndəsi Temur Suğaşvili bizimlə söhbət zamanı
qeyd edir ki, layihə çərçivəsində Kvemo Kartlidə 75-ə qədər görüş
keçiriləcək.
“Bildiyiniz kimi bu gün dünyada Gürcüstana da aid olan,
Qərbə qarşı təxribatlar kəskin şəkildə durmaqdadır və bu layihə
əhalidə düzgün məlumatın paylaşılmasını nəzərdə tutur. Bu
Gürcüstanda qərb yönlü olan əhalinin sayının artmasına xidmtə
edir” – Temo Suğişvili deyir.
Marneulinin mer vəzifəsini yerinə yetirən Zaur Tabatadze bugünkü
görüşü vacib qiymətləndirir və deyir ki, Marneulidə Avropa və
Avroatlantika inteqrasiyası məsələləri haqqında məlumatlı olmaq
daha yüksək dərəcədə olmalıdır.
“Bizim dəstəyimiz məhz ofisin yaranmasındadır. Müvafiq olaraq bu
ofisin rəhbərinin proqramı kəndlərdə əhali ilə görüşləri nəzərdə
tutur. Hesab edirəm ki, dövlət tikintisinin bəndlərindən biri
meriyadır. Bələdiyyənin inkişafı baxımından da və uyğun olaraq bu
görüşlərə və əhalinin məlumatlandırılmasına dəstək
göstərəcəyik” – Zaur Tabatadze deyir.
Məlumat problemi və yayımlama ehtiyacları haqqında Kvemo Kartlinin
dövlət müvəkkilinin müavini Zaur Darğallı da danışdı.
“Gürcüstanın Avro-Atlantikaya inteqrasiyasının
gətirdiyi faydalar haqqında əhalinin məlumatı olmalıdır. Düşünürəm
ki, problemlər var, amma birgə qoşulmaqla biz bacaracağıq və
maksimum dərəcədə məlumat yayımlayacağıq” – Zaur
Darğallı deyir.
Regionlarda Qərb inteqrasiya prosesi haqqında məlumatlandırma və
qoşulmanın artırılması” layihəsi 18 ay ərzində davam edəcək.