Sadaxlı 1 saylı ictimai məktəbində Novruz bayramı qeyd olundu
Bu gün, 15 mart
tarixində Marneuli bələdiyyəsinin Sadaxlı kəndində Novruz bayramı
qeyd olundu.
Bayram tədbiri 1 saylı ictimai məktəbin həyətində
baş tutdu. Məktəbin həyəti bayram əhval-ruhiyyəsində
bəzədilmişdi.
Süfrələrə Novruzun rəmzlərindən olan səməni, şəkərbura, paxlava və
digər şirniyyatlarla bəzədilmiş xonçalar düzülmüşdü. Səhnədə fətir
bişirmək, nehrə, yun əyirmək kimi adətlər iştirakçılar üçün nümayiş
olundu.
Məktəblilərin iştirakı ilə qara zurnanın sədaları altında güləş və
balaca aşıqların çıxışları iştirakçılar maraqla qarşıladılar.
Bundan sonra isə səhnəyə Bahar qızı, Kosa və Keçəl dəvət olundu.
Onlar öz çıxışları ilə oraya toplaşanları əyləndirdilər.
Tədbirdə Marneuli merinin səlahiyyətlərini icra edən Zaur
Tabatadze, Bələdiyyə Məclisinin sədri Amiran Qiorqadze, Parlament
üzvü Ruslan Hacıyev, Bələdiyyə Məclisinin deputatı Rövşən
İskəndərov və digər rəsmi şəxslər iştirak edirdilər.
Bayram tədbirinə şagirdlərin hazırladıqları milli rəqslər,
musiqilər və səhnəciklərlə yekun vuruldu.