Մառնեուլիի Աղմաշենեբելի փողոցի վերանորոգումը նախատեսվում է 2 625 126 լարիով
ქառնեուլի քաղաքի Աղմաշենեբելի փողոցում վերականգնողական աշխատանքներ
կիրականացվեն։
Մառնեուլիի մունիցիպալիտետի տեղական ինքնակառավարումը 2 625 126 լարիի
մրցույթ է հայտարարել փողոցների վերականգնման աշխատանքների գնման
համար։
«Աղմաշենեբելի փողոցը գտնվում է քաղաքի արդյունաբերական հատվածում՝
կենտրոնական շուկայի հարևանությամբ և քաղաքի ամենաբանուկ հատվածներից
է։ Բացի այդ, փողոցը միակ կապն է նոր վերականգնված
Մառնեուլի-Ալգետի-Լոմթագորի մայրուղու հետ ավտոճանապարհների
դեպարտամենտի կողմից, որն ամենակարճ երթուղին է Կարմիր կամրջի և
Ռուսթավիի ուղղությամբ, հետևաբար, նախագծի իրականացումից հետո
երթևեկության հոսքերը նշված ճանապարհին կտրուկ կավելանա։ Այսօրվա
դրությամբ փողոցի մայթը ամորտիզացված է, կան երկայնական և լայնական
ճաքեր, փոսեր և անհարթություններ։ Բացի սրանից, փողոցում նախորդ
տարիներին իրականացված ջրամատակարարման ցանցի վերականգնման
աշխատանքների արդյունքում առաջացած փոսերը հիմնովին չեն վերանորոգվել
և խճաքարով լցված են»,- այս մասին նշված է Աղմաշենեբելի
փողոցի վերականգնման նախագծում ։
Ըստ նախագծային փաստաթղթերի՝ փողոցում բացակայում է ջրահեռացման
ցանցը, ինչը լրացուցիչ խնդիր է ստեղծում անձրեւների սեզոնին։ 2 625
126 լարիով ՏԻՄ-ը ցանկանում է վերականգնել և հեռացնել Աղմաշենեբելի
փողոցում առկա ասֆալտապատ ծածկը, որից հետո նոր ասֆալտապատում
կկազմակերպվի։ Փողոցի երկու կողմից կկազմակերպվի հետիոտնի 1,5 մետր
լայնությամբ մայթ։
Մառնեուլիի քաղաքապետարանի տեղական ինքնակառավարումը օգոստոսի 17-ին
հայտարարել է Աղմաշենեբելի փողոցի վերականգնման աշխատանքների գնման
մրցույթը։ Մրցույթին մասնակցել ցանկացող ընկերությունների համար
մրցութային առաջարկների ներկայացումը սկսվել է սեպտեմբերի 3-ից և
կշարունակվի մինչև սեպտեմբերի 9-ը։ Մրցութային փաստաթղթերի համաձայն՝
հաղթող ընկերությունը պետք է աշխատանքները սկսի պայմանագիրը կնքելուց
հետո 180 օրացուցային օրվա ընթացքում։
«Ռադիո Մառնեուլի»
Թարգմ․ ՝ Մարգարիտա Միսկարյան