Marneulidə mövsümi qrip peyvəndini 253 nəfər vurdurub.
Yerli Səhiyyə Mərkəzinin rəhbəri Eter Laperadze 11 oktyabra olan
statistikanı bizə bildirdi və qeyd etdi ki, xəstəxanalardan əlavə
ambulatoriyalar immunizasiya proqramına qoşulublar. Qrip virusuna
qarşı peyvənd risk qruplara, xəstəliyin ağırlaşma riski olan
şəxlslərə pulsuz vurulacaq.
“Təxminən 7 ildir ki, 4 komponentli peyvəndlərimiz var.
Mövsümi qrip peyvəndi çox yaxşıdır, yaxşı qoruyur. Həqiqətən də
adamı qoruyur və mövsümi yoluxma, kovid olmur. Mən və ailəm,
nəvələrim də peyvənd vurdururuq. Uşaqlar 6 ayından peyvənd oluna
bilərlər. 700 peyvənd almışıq və indiki mərhələdə 604-ü verilib.
253 nəfər peyvənd olunub. Ehtiyat var, əgər tələb olarsa yenidən
əlavə edəcəklər. Kənd həkimlərinin əksəriyyəti peyvəndləri
aparıblar. Bəzi yerlərdə qalmış ola bilər , onlar da aparmayıblar,
ancaq aparacaqlar. Belə ki, bütün kənd həkimlərinə
əlçatandır”, – Eter Laperadze bildirdi.
Gürcüstan immunizasiya üzrə dövlət proqramı çərçivəsində 200 000
doza, Sanop Paster istehsalı olan dörd komponentli peyvənd alıb və
həmin peyvənd Ümumdünya Səhiyyə Təşkilatı tərəfindən tövsiyə
olunanlar arasındadır.
Risk qruplar peyvənd verən qurumlara müraciət edə bilərlər.
Xidmətdən yararlanmaq üçün statuslarını təsdiq edən arayış
aparmalıdırlar. Qripə qarşı peyvənd prosesinə ölkə miqyasında 400-ə
yaxın tibb müəssisəsi qoşulub. Qrip peyvəndini Marneuli
ambulatoriyalarından əlavə beş tibb müəssisəsində vurdurmaq
olar.
Tibb müəssisələri bunlardır:
- Geo Hospitals MMC-nin Marneuli Çoxşaxəli Tibb
Mərkəzi.
- Geo Hospitals-ın Marneuli Doğum Evi və Ambulatoriya
Mərkəzi.
- Med X MMC
- Mad-i-Medi (Dializ)
- Aversi Klinikası
Qripə qarşı dörd komponentli peyvənd Gürcüstanda 21 sentyabrda
başlayıb.