18 iyul tarixində Marneuli meriyasında gender
büdcəsinin yaradılmasını müzakirə ediblər.
Bizimlə söhbət zamanı GİPA-nın lektoru Nino
Loladze qeyd edir ki, 9 bələdiyyədə gender büdcəsi yaradılacaq.
"Yerli özünüidarəetmənin Maliyyə Assosiasiyası “Gender
büdcəsinin bələdiyyələrdə hazırlanması” layihəsini hazırlayır. Bu
BMT-nin Qadın Təşkilatı (UN WOMEN) tərəfindən maliyyələşdirilən
layihədir. Bələdiyyələrdən biri Marneulidir. Bu layihə çərçivəsində
Marneuli bələdiyyəsi analzi ediləcək ki, büdcədə gender aspekti nə
dərəcədə nəzərə alınıb. Sonradan bu analizə istinadən ekspertlər
bələdiyyənin qoşulması ilə gender büdcəsini
hazırlayacaqlar” – Nino Loladze deyir.
Görüşdə Marneulinin QHT nümayəndələri və yerli özünüidarəetmə
nümayəndələri iştirak edirdilər.
Qeyd olunan işlər aparılana qədər Loladzenin sözlərinə görə
təlimlər keçirmək lazımdır. Gender büdcəsinin məsələləri üzrə təlim
2019-cu ilin sentyabr ayında və 2020-ci ilin mayında
keçiriləcək.