Bu gün, 22 iyul tarixində Marneuli Mülki
Məşğulluq Mərkəzində yeni “Effektiv sosial proqramların
planlaşdırılması üçün təbliğat” layihəsinin təqdimatı
keçirildi.
Layihənin məqsədi bələdiyyə proqramlarının görmə və eşitmə qüsuru
olan benefisiarların ehtiyaclarının analizi əsasında bələdiyyənin
2020-ci il büdcəsinin müvafiq proqramlarında dəyişikliklərə nail
olmaq üçün benefisiarların iştirakı ilə təbliğat kampaniyasının
keçirilməsidir. Mövzu ilə bağlı “Marneuli Demokrat Qadınlar
Cəmiyyəti”nin sədri Olqa Endeladze ilə söhbət etdik.
“Layihənin benefisiarları olan görmə və eşitmə qüsurlu
insanlar ehtiyacların aşkarlanması prosesində iştirak edəcəklər.
Mexanizm hazırlamağı planlaşdırırıq ki, bunun da hazırlanması və
tətbiq olunmasında yerli özünüidarənin iştirakı mühümdür. Bununla
da bələdiyyənin sosial proqramlarının benefisiarlarının ehtiyacları
həqiqətən də dəyərləndirilər və yeni proqram və xidmətlər onların
iştirakı ilə hazırlanar”, – Olqa Endeladze deyir.
“Marneuli Demokrat Qadınlar Cəmiyyəti”nin sədrinin sözlərinə görə,
müasir sosial proqramların planlaşdırılmasına yanaşma səmərəlidir,
bu isə ehtiyaclar araşdırılmadan mümkün deyil.
“Effektiv sosial proqramların planlaşdırılması üçün təbliğat”
layihəsi çərçivəsində gələn həftə ərzində görmə və eşitmə qüsurlu
insanlar, onların valideynləri və ailə üzvləri ilə fokus qrup
keçiriləcək. Görüşdən sonra aşkarlanmış ehtiyacların analizi isə
ictimai şəkildə keçiriləcək.