Marneuli yerli özünüidarəsi meriyanın inzibati binasının və mədəni
irsi statusu olan “Yenə də böyüyəcəklər” abidəsinin, onun
ərazisinin odlu silahla mühafizə edilməsi üçün 202 800 lari
dəyərində sadələşdirilmiş müqavilə bağlayıb.
Daxili İşlər Nazirliyinin Mühafizə Polis Departamenti ilə bağlanmış
sadələşdirilmiş müqaviləyə görə, Departament 2023-cü il ərzində
meriya binasının və “Yenə də böyüyəcəklər” abidəsinin mühafizə
xidmətini həyata keçirməlidir.
202 800 lari dəyərində müqavilə mühafizə polisi əməkdaşlarının
aylıq əməkhaqqı üçün nəzərdə tutulub. Bir baş mühafizəçinin aylıq
əməkhaqqı 1900 lari olacaq və o, il ərzində 22 800 lari alacaq. Bir
kiçik mühafizəçinin əməkhaqqı isə 1250 lari olacaq. Meriya və “Yenə
də böyüyəcəklər”-in mühafizəsi üçün 12 kiçik mühafizəçi işlə təmin
olunacaq. Onların əməkhaqqı üçün isə bir il ərzində 180 000 lari
ayrılıb.
Qeyd edək ki, Marneuli meriyası 2022-ci ildə də Mühafizə Polisi
Departamenti ilə qeyd olunan müqaviləni bağlamışdı. Meriya 2022-ci
ildə mühafizə xidmətinə 162 000 lari ödəmişdi.