Marneuli bələdiyyəsinin Kürtlər kəndində suvarma kanalının nasosunu
təmir edəcəklər.
Yerli özünüidarə işləri sadələşdirilmiş qaydada “İberia
Elektroservis” MMC-dən 1874 lariyə alıb.
“Marneuli meriyasına Kürtlər ərazi vahidliyindən daxil
edilmiş məktubla əlaqədar bildirmək istəyirik ki, Kürtlər kəndində
yerləşən suvarma nasosu Marneuli bələdiyyəsinin əmlakıdır. Məktubu
araşdırmaqla müəyyən edildi ki, qeyd olunan suvarma kanalı nasos
stansiyasında yerləşdirilmiş 37 kilovatlıq mühərrik sıradan çıxıb
və bərpaya ehtiyacı var. Qeyd olunan məsələlərdən irəli gələrək,
xahiş edirik, meriyanın müvafiq xidmətinə Kürtlər kəndində yerləşən
suvarma nasos stansiyasındakı (37 kv) mühərrikin bərpası məqsədi
ilə müvafiq xidmətlərin əldə edilməsini təmin etmək tapşırığı
verəsiniz”, – alqı-satqı izahatnaməsində qeyd
edilib.
Kürtlər sakinləri nasos stansiyasının təmirini kənd toplantısında
tələb ediblər. O zaman meriyanın Maliyyə-Büdcə Xidmətinin rəhbəri
səlahiyyətlərini icra edən Maia Naveriani yerli sakinlərə
bildirmişdi ki, mühərriki yerli büdcə vəsaiti ilə bərpa
edəcəklər.