Sosial Ədalət Mərkəzi Marneuli Bələdiyyə Məclisini vətəndaşların
ehtiyaclarına daha həssas yanaşmağa çağırıb.
Təşkilat Marneuli bələdiyyə büdcəsinin ictimai müzakirəsi prosesinə
münasibət bildirib və Marneuli Bələdiyyə Məclisini yerli
özünüidarənin mandatını, rolunu düzgün dərk etməyə çağırıb.
Vətəndaşların iştirakı üçün təhlükəsiz və demokratik mühit
yaratmağa, insan hüquqlarının müdafiəsi məsələləri ilə bağlı şəxsi
bəyanatlarını və mövqeylərini isə Gürcüstan qanunvericiliyinə,
insanların real ehtiyaclarına
yaxınlaşdırmağa dəvət edib.
“Cari ilin 21 dekabr tarixində Marneuli bələdiyyə
büdcəsinin ictimai müzakirəsi baş tutdu. Müzakirə zamanı “Salam”
platformasının nümayəndəsi sual verib, sual yerli özünüidarə
səviyyəsində etnik azlıqların dilində tərcümə resursunun
yaradılması ilə əlaqədar olub. Qeyd olunan suala Marneuli
meriyasının İnzibati Xidmət rəhbəri Mamuka Şubitidze cavab verib
ki, konstitusiyada administrativə işin gürcü dilində aparıldığı
yazılıb. Əgər vətəndaş yerli özünüidarəyə ərizə ilə azərbaycan
dilində müraciət edərsə, özünüidarə onu qeydiyyatdan keçirməlidir
və müraciət edənə ərizənin notaries tərcüməsini təqdim etmək üçün
vaxt təyin etməlidir. Əgər təyin edilmiş vaxt ərzində notariusla
təsdiq edilmiş tərcümə təqdim olunmazsa, ərizə müzakirə olunmur.
Bələdiyyə Məclisinin sədri Amiran Qiorqadze bu çıxışa kobud tonla
cavab verib və bildirib ki, bu sual təxribat xarakterli sualdır.
Onun sözlərinə görə, yerli özünüidarə erməni və azərbaycan dilini
bilən gənclərin işlədiyi dəftərxana düzəldib. Vətəndaşların
xidmətdən yararlanmaqda problemləri olmur. Özünüidarəs tərəfindən
sosial şəbəkələrə yerləşdirilmiş press-relizlər və məlumatlar dövri
olaraq tərcümə olunur. Ancaq buna baxmayaraq o, bildirib ki,
azlıqların dilindən istifadə etmək problemdir. Çünki erməni və
azərbaycanl vətəndaşlar üçün (bacı və qardaşlar üçün) inzibati
işlərdə ana dilindən istifadə edilməsinə yolversə, o zaman etnik
ruslar da rus dilində xidmət tələb edə bilərlər. Bunun müzakirə
görüş başa çatdıqdan sonra təəssüf ki, gərginliyə səbəb
olub”, – Sosial Ədalət Mərkəzi yazıb.
Təşkilat hesab edir ki, Marneuli Bələdiyyə Məclisi sədrinin səs
tonu və onun istifadə etdiyi bələdiyyə yanaşması mülki fəallar üçün
təhlükəsiz şərait yaratmır.