Marneuli bələdiyyəsinin Tsereteli, Sadaxlı və Algeti kəndlərində
idman zallarının tikintisi ilə bağlı smeta sənədlərinin tərtib
olunması üçün tender elan edilib.
Yerli özünüidarə üç kəndin idman zallarının tikintisinin smeta
sənədlərinin tərtib edilməsi üçün 135 000 lari xərcləməyi
planlaşdırır.
“Tikinti işlərinin aparılması prosesində görülən
işlərin keyfiyyətinin və təfərrüatlı layihə sənədlərinin
uyğunluğunun təmin edilməsi üçün təchizatçı tikinti işlərinin
monitorinqini təmin etməli, işlərin dəqiqləşdirilməsində iştirak
etməlidir. Təchizatçı zəruri hallarda iş sənədlərini, tikinti və
müqavilənin başqa uyğun dəyişikliklərinin hazırlanması, habelə
tədbirlərin həyata keçirilməsində texniki tapşırıq əlavəsi ilə
nəzərdə tutulmuş fiziki imkanları məhdud şəxslərin hərəkət etməsi
üçün vacib pandusların əlçatan olması və adaptasiya edilmiş mühit
yaradılması öhdəliyi daşıyır”, - tender sənədlərində
yazılıb.
Marneuli meriyası layihələr tərtib olunduqdan sonra işlərin yerinə
yetirilməsi üçün tender elan etməli olacaq. İndiki mərhələdə üç
kənd üçün təxmini vəsait 4 500 000 laridir.
- Marneuli bələdiyyəsinin Tsereteli kənd idman zalının
tikinti işləri üçün təxmini vəsait: 1 500 000 (milyon yarım)
lari.
- Marneuli bələdiyyəsinin Sadaxlı kənd idman zalının
tikinti işləri üçün təxmini vəsait: 1 500 000 (milyon yarım)
lari.
- Marneuli bələdiyyəsinin Algeti kənd idman zalının
tikinti işləri üçün təxmini vəsait: 1 500 000 (milyon yarım)
lari.
Marneuli bələdiyyəsinin Tsereteli, Sadaxlı və Algeti kəndlərinin
idman zallarının tikintisinin smeta sənədlərinin tərtib edilməsi
ilə bağlı tenderdə iştirak etmək istəyənlər 6-11 avqust tarixləində
təkliflərini təqdim edə bilərlər. Qalib şirkət müqavilə
bağlandıqdan 120 gün ərzində işləri meriyaya təhvil verməlidir.